អតីត ​គ្រូបង្វឹក​ក្រុម​ជំរើសជាតិ​អ៊ី​តា​លី​លោក​ Marcello​ Lippi​ មាន​អារម្មណ៍​ថា​លោក​ Carlo​ Ancelotti​ ជា​គ្រូបង្វឹក​ល្អ​ជាងគេ​នៅ​លើ​លោក​ គឺ​ល្អ​ជាង​ Pep​ Guardiola​ និង​ Jose​ Mourinho​ ទៀត​។​

លោក​ Ancelotti​ ដែល​គ្មាន​ការងារ​ធ្វើ​ចាប់តាំងពី​គាត់​ចាក​ចេញពី​ Real​ Madrid​ កាល​រដូវក្តៅ​មក​នោះ​ នឹង​ជំនួស​លោក​ Guardiola​ ដើម្បី​ដឹកនាំ​នៅ​រដូវ​កាល​ ២០១៥-១៦​ ក្រោយ​លោក​ Guardiola​ សំរេចចិត្ត​មិន​បន្ត​កុងត្រា​ថ្មី​ជាមួយ​ក្លឹ​ប​។​
​លោក​ Lippi​ មាន​ទំនុកចិត្ត​លើ​មិត្ត​រួម​ជាតិ​របស់​គាត់​ដែល​ធ្លាប់​ឈ្នះ​ពាន​ជាមួយ​ ក្លឹ​ប​ AC​ Milan,​ Chelsea,​ Paris​ Saint-Germain​ និង​ Madrid​ ក្នុង​ពេល​កន្លង​ទៅ​ និង​ជឿជាក់​ថា​គាត់​ជោគជ័យ​នៅ​ Allianz​ Arena​ ទោះ​មាន​សំពាធ​ធំ​បន្តិច​ក៏​ដោយ​។​
​
​លោក​ Lippi​ បាន​ប្រាប់​ Il​ Messaggero​ ថា​៖​ “​លោក​ Ancelotti​ ជា​គ្រូបង្វឹក​ល្អ​បំផុត​នៅ​លើ​លោក​។​ គាត់​ឈ្នះ​ពាន​និង​លី​ក​ពេល​ជា​កីឡាករ​និង​ឈ្នះ​ពេល​ជា​គ្រូបង្វឹក​ទៀត​ ទាំង​ក្នុង​អ៊ី​តា​លី​និង​ក្រៅប្រទេស​។​”
“​ភាព​ជោគជ័យ​របស់​គាត់​ពី​មុន​ នឹង​ជួយ​គាត់​កសាង​ទំនាក់ទំនង​ល្អជា​មួយ​កីឡាករ​។​ គាត់​ដឹង​ពី​របៀប​ដែល​ត្រូវ​ធ្វើការ​ជាមួយ​កីឡាករ​ល្បីៗ​និង​ជើងឯក​ពិត​។​”
​   
​បុរស​វ័យ​៥៦​ឆ្នាំ​នេះ​ធ្លាប់​ឈ្នះ​ពាន​ Champions​ League​ ជាមួយ​ Milan​ កាល​២០០២-០៣​ និង​ ២០០៦-០៧​ ស្រប​ពេល​ដែល​ជាមួយ​ Madrid​ កាល​២០១៣-១៤​។​

​ប្រភព​៖​ goal.com , sportkh